الحل سهل بتسأليه شو قصته مع موبايله وليش بياخده على الحمام معه الا اذا كان بستنى حد كبير يتصل فيه وبده يستلم موقع مسؤوليه :) فبخاف انه ما يكون التلفون معه ويروح المنصب عليه يا ستي ما بعرف المفروض الست يكون في بينها وبين زوجها صراحه اذا ما عجبها شي او شكت بشي تصارحه وبالقلم العريض تحكي معه ليش تدخل في حيص بيص حتى لو وصلت تقله اذا حابب علي او مصاحب احكي بنحل الموضوع مع بعض لا تشكي ولا عبالك الصراحه هي الوصفه السحريه يمكن يطلع كل شي تهيؤات بس والزلمه بريء ان بعض الظن اثم الله يبعد عنك المشاكل ويريح بالك:)

أنا لا أعلم من أنتي بالنسبه ...! ولم أستطع فهم شعوري اتجاهك لأنك أغرب من صلدفت في حياتي...! فأنتي وبكل صدق أجمل وأصدق صداقه عشتها وتعرفت عليها لا أعلم لمل قلبي يطرب فرحاً عند سماع أخبارك... وأتمنى لو أنني أغوص في وجدانك لأعرف ما قد يسعد قلبك فأقدمه لك وما يحزنه لأعمل جاهداً لإبعده عن طريقك وغير ذلك وأهمها وهو أنني أشتاق لك ولصوتك بدرجه قد لا تتصورينها يعجبني فيك كل شيء حتى أنني أراكي في بغض الأحيان ملاكاً في عيني أنتي حلم جميل أعيش كل فصوله بسعاده أنتي رفيقتي التي ترافقني في حلمي وواقعي وتجعلي لحياتي لوناً مختلفاً فأبقاكِ الله لي يا أجمل وأروع صداقه في حياتي

شيكي على الارقام الي بتلفونه من دون مايعرف واذا كان في وحده في الموضوع واجهي واحكيلو بس لازم تتاكدي بالاول اذا حكيتيلو دايركت اكيد بدو ينكر

كيف بعدك ساكته شهرين اكيد يختى وحده لفيتلو عقلو و انتى بعدك مش عارفه فورا بتتصرفي بتاخدى الموبايل غصبن عنو مو بكيفو و تشوفى شو قصتى و ازا فى وحده بحكى معها كتر سهل هون الموضوع بتاخدى رقمها و بتبلشي فيها قال شهرين قال جد انو دمى صار يغلى لانو بعدك ساكته عنو

شو هالحكي خدي التلفون وبحبشي في وتسلبدي وطلعي الارقام واتجسسي عليه واغتنمي الفرصه لتشوفي شو مخبي هاد حكي نسوان وعجايز وشغل عوالم الست الواثقه من حالها ما عندها يما ارحميني بتجيب زوجها وبتقعد معه وبتقوله بملاحظاتها على تصرفاته شو خايفه منه يا بتطلع هي غلطانه يا هو غلطان والكذاب ببين من عينه اما انك تشتغلي تحري وتقللي من قيمتك وتتصنتي عليه مو زابطه وقلب المؤمن دليله وبعدها بتقرري شو تعملي اذا كان مذنب بس شو بعمل بالحمام نص ساعه مع الموبايل يمكن بسمع اغاني عليه وهو بريح ضميره او ببعت رسائل مستعجله بس مش مصوره لاصحاب العلاقه كل شي بجوز .

مش عارف شو احكيلك بس زوجك وانتي ادرى
ممكن يكون الي عندك شك زايد

ممكن شفاه تعلميني كيف الكذاب بيبين من عيونه

الكذاب ما بقدر يحط عينه بعين الي قدامه عيونه بتصير تلعب لعب وبتعمد يبعدهم عنك وفي ناس بحتقنوا عيونهم بيصيروا حمر العيون مراية النفوس عجبك الشرح .

شكل ا لقصة تخويت ما بعرف هيك حاسة بس اذا الحكي صح شكله بلعب بديله واكيد انتي اعرف اذا تغير معك ولا لا

الشك مرات بسوي مشاكل كثيرة ، وانا صارت معي قبل فترة بحيث اني كنت اخذ التلفون معي على الغرفة واسكر على حالي واحكي بصوت واطي حتى ما حدا يسمع ، بس هذا كله كان مفاجئة لزوجتي والاولاد ، لاني كنت بحضرلهم شغلة راح تفيدهم بالمستقبل . بس لما سألتني ام وديع : ( شو قصتك مع الخلوي ؟ ) اضطريت اصارحها .

والقصد انه يمكن يكون خير ، والمهم انك تساليه شخصيا" ويطريقة ذكية جدا" ؟

تحياتي للجميع .

على راسي ابو وديع انت وتخطيطك تحياتي وين سوزان ما شفنا تعليق الها اليوم كمان هي على راسي لعيونك والله بدخل يا سوزان سلام للجميع

ساوي متله....

طيب لما ينام وين بحط الموبايل

تسلم راسك ان شاء الله ، مع احترامي وتحياتي .

قبل ان تواجهيه تاكدي من احساسك هذا عن طريق البحث في قائمة التليفون عن اسماء غريبة خاصة بنات بالرغم من الرجل عندما يردي الاحتفاظ برقم بنت سيحفظ رقمها عنده تحت اسم رجل يعني سامية بيعملها سامي ونهى بتصير نهال وهيك و بعد التاكد اخبريه بانك تلاحظين انه متعلق كثيرا بالتليفون الخليوي خاصته و الذي جعلك مشوشة فكريا و قلقة لدرجة انك تخافين من انه يخفي عنك شيء ما او علاقة مع ما مع احداهن بعد ملاحظتك بانه سياخذ التليفون معه حتى للحمام و مدة مكوثه بالحمام لذا حبيتي تساله والمهم يا عزيزتي ان تراقبي حركات عيونه عندما يرد على السؤال وحركة جسمه و يداه و راسه فاذا نظر الى الارض او حول نظره الى الجهة اليمنى او اليسرى و رمش كثيرا و تفادى النظر لك بعين قوية دون ترميش وحرص على ان لا ينظر اليك مباشرة وفي عينيك يكون كاذبا 100% . وايضا هناك شغلة ثانية ممكن تكتشفي اذا كان يخونك او له علاقة مع اخرى وهي : الفتي نظره الى انك تريدين او تفكرين باقتناء تليفون جوال زيه فاذا غضب او رفض او نصحك بعدم اقتناء تليفون حتما بيكون خائن وله علاقة مع احداهن . ولا تنسي ان الحرامي بيفكر ان كل الناس حرايمة و بيتعامل معهم على هذا الاساس ) و بالتوفيق .

وين عصبي وتعليقاته هههههههههههه أكيد اله رأي بهالمشكلة ههههههههههههههه والله بفوت بس عشان أشوف تعليقاته اللي بتجنن

كلامي هذا موجه الى جميع الزوجات ... انا الصحيح بمر بنفس التجربه وبنفس الاحداث مع زوجتي .. الصحيح في الي صاحبات وبيحكوا معي باستمرار ... انا منضبط جداً في التزاماتي البيتيه ومش مقصر مع الجميع وهاي الحاله اللي بعيشها هي حالة تخرجدني احيانا من الملل والضيق ومن خلالها بنفس عن حالي ... المفروض من الزوجه في هيك حالات تهدأ وما تكبر الموضوع وما تحاول تعمل حصار على زوجها .. لازم تتركه يتصرف بحريه لانها كل ما شدت عليه رح يحاول يفلت منها .... الرجال دائماً بيحبوا يعملوا علاقات وكل واحد بيتمنى انه يكون له صاحبات لكن صدقيني انه هاي العلاقات ما رح تأثر على الحياة الزوجيه على الاقل من قبل الازواج الملتزمين مع اسرهم وابناءهم .... في هيك حالة المطلوب من الزوجه ما تحاصر زوجها بل على العكس تحاول تلفت انتباهه عن طريق المعامله والملابس والمكياج وتحضير الطعام اللي بيحبه وتحاول تشغله قدر الامكان ببعض المشاوير والزيارات وكمان في شغله مهمه كثير تحاول الست كمان اشباع زوجها من الناحية الجنسيه واستحداث طرق جديده والابتعاد عن الروتين الجنسي قدر الامكان في هيك حالة الزوج رح يهدأ نوعاً ما وعلى الاقل يكون في الجانب الآمن . اما النكد والمشاكل ما رح تحل مشكله بل على العكس رح تزيد الامور تعقيد .... في النهايه انابأكد للاخت مره ثانيه ان الموضوع ما بيخوف وشي طبيعي ولا تحاولي تربطي زوجك بالاغلال لانه في النهايه رح يكسرها ويهرب

يا البي جوزك مصاحب اكيد لانو عمايلوا بدل على هيك فتحي عيونك قبل ماتقع الفاس بالراس

الكثير من المتزوجين لديهم علاقات (هاتفية) .....

واغلبهم (رجالا ونساءا) .... يقومون بتخزين ارقام الفتيات باسماء شباب .... او تخزين ارقام الشباب باسماء فتيات ...

فنلاحظ مثلا ان رقم ( ميمي) مثلا يتم تخزينه تحت اسم ( عبدو الكهربجي) .... ورقم (فيفي) يتم تخزينه تحت اسم ( عقلة المواسرجي) .... ورقم ( ام رمزي) يتم تخزينه تحت اسم ( عطوة الميكانيكي) ....... وذلك لابعاد الشبهه قدر الامكان .....

وايضا يقومون بالتنبيه على فيفي وميمي وتذكيرهم دوما بضرورة الالتزام بأوقات الدوام الرسمي .... حيث يمنع الاتصال او عمل اي ( مس كول) .... بعد الساعة السادسة مساء وحتى الثامنة من صباح اليوم التالي .... طيله ايام الاسبوع ..... ماعدا الجمعة والسبت .... فيمنع طوال اليوم .... بينما (ام رمزي) .... ليست بحاجة الى مثل هذه التنبيهات .... فهي لن تتصل لو تعمل (مس كول) في هذه الفتره ....لان زوجها يكون متواجدا بالمنزل ....

اتوقع ان الموضوع اكبر من مجرد رقم هاتفي مخزن .... بل ربما يمتد الى وجود صور او مقاطع فيديو او تسجيلات صوتيه معينة لبعض المكالمات الساخنة ( من تبعات الـ 1 بالليل وورا) ......

النقطة التي يمكن ان نعتبرها (مربط الجحش) هنا ....... هي عملية البقاء في الحمام لمدة نصف ساعة وبشكل متكرر .... فهي تثير الشبهه والاستغراب ...... وتضعنا امام افتراضات عديدة ..... خصوصا اذا كانت بالليل ....

HINT: راقبيه ... وبمجرد ما ان يدخل الحمام ومعه تلفونه.... رني عليه وشوفي اذا كان مشغول ولالأ....
او بمجرد ما يطلع من الحمام .... شوفي اذا بكون تعبان او منهك .... او بكون وجهه متغير هههههههه .... او بروح بنام على طول ...


غطيني ياكرمة العلي ... انا عارف عن ( جيزان) اليومين دول ..
صايرين همل ...




®KING OF HUNTERS

حبيبتي راس مالها وقعي التلفون بسطل ماء ... واحكي ييي بالغلط او اغسلية بالغسالة

هو اكيد راح يجيب غيره

خلي ابنك يكبه في الزباله


احرقي قلبه زي ما حارق قلبك هاد بخونك يا هبله


وبعدك على عماكي

والله العظيم ضحكتني من صماصيم قلبي والصحيح كأنك عارف كل خبايا لرجال واحلى ما في التعليق غطيني يا كرمه العلي مين هاي كرمه هههههه حلوه بس براي الشخصي والمتواضع انه عم يلعب بذيله كثير ونسونجي من الاخر . وتحيه للكنج

تعليقك جميل . تحياتي .... .

الله يعطيكو العافية على هل النصائح ولكو مجرمين حرب انتوا!!!

اختي بالله, صارحي زوجكي و امتحنية في نفسك... يعني احرمية من شي بحبوا علشان يعرف قيمتك

حرام تحرمه من شيء بحبه هذا مش حل لازم تعرف كيف تحل مشكلة زوجها لازم تعطيه حب وحنان وتعيشه في جو رومنسي بهذا الطريقة بزيد حبه لزوجته لانه كل رجل بحب يعيش في جو رومنسي فبزيد اهتمامه لزوجته اكثروشكرااا

اوجه تحية لصديقي الكنج

تعليق رائع جدا ....لم اقرأ المشكلة لضيق الوقت ....ولكني فهمتها من خلال تعليق ...

استاذ والله بالتعليق ....وبالنسبة للشاحن اعتقد انو وصلك ...!

والتركس بدي اعرف مين طلع (الدندول )... بس ؟؟هههههه

شكرا يا ( مــــان) :

سلامنا الى الحجة ام محمود .... و نعلمكم ان عباس دخل الجيش ... اما زينب وعيالها ...

بالنسبة للعبة (التريكس) المزعومة .... فقد سارت الامور بشكل طبيعي جدا .... خلال الممالك الثلاثة الاولى ..... لكن في المملكة الاخيرة ...... سرعان ما نشب خلاف بين (الحكيم) و (ابووديع) على ( مين اللي سلمني لعب ) عندما ( نزل شيخ الكبة المدبل في ايدي) ....... طمعا في الــ 75 موجب ...... والذي تحول وبشكل سريع الى مشادة كلامية .....

وعلى اثر ذلك ..... قام (ثلة) من ( بوديجاردات) القهوة بالتدخل .... بقيادة ( صبحي ابو شفه) وباسناد ودعم مباشر من ( عطوة ابو الحيايا ) و ( زياد النمس) ...... وفض النزاع وتسوية الامور ...

وانتهت المشكلة على خير .... ولم يتم تسجيل اي اصابات او خسائر مادية ...... باستثناء شماته ابله ( ظاظا ) فينا ...... وفقدان ( الشاحن) خاصتي ..... الذي تمت سرقته من على الطاولة ..... وولاعة (ام البريزة) تعود ملكيتها للحكيم ..... وابرة (بابور) كانت في جيب ( ابو وديع) ....





®KING OF HUNTERS
جميع الحقوق محفوظة © 2010
lllllll|llllllll|lll||ll||llllll|lllll
¹°¹³ °¹²³¹³³² °³°² °³ ¹³
_______
|
¸O
\|/
\/

أنا بأيد زوجك خلي الزلمه يعيش حياته شو فيها يعني إذا الزلمه إلو علاقات صداقه.
وبعدين أنا بنظري أنه مش غلط يكون للمتزوج علاقات صداقه مع الجنس الآخر لأنه معروف أنه مكالمات الزوجين محدوده مرحبا كيفك شو طابخه سلام.
لذلك لازم يكون في صديقات حتى يتسلى معهن خصوصآ إذا كان مناوب بالدوام.
وتذكري أنه أنتي لو لم تكوني زوجة زوجك وبعدك بنت بجوز تكوني أحدى صديقاته وما رح يكون تفكيرك بزوجته رح يكون تفكيرك بنفسك فقط.
لأنه أغلب جنس حوا هيك وما تحكيلي أنتي غير لأنه هاي الكلمه عند كل البنات.
وصدق نزار قباني كل النساء....... آسف يا أمي.

ممكن على جوال زوجك فلام مش مزبوطة ...............

سيدتي ليس كل من يحمل الموبايل الى الحمام بكون له علاقات.......... ولكن مكن ان زوجك يعمل في مكان ما يتطلب ان بكون داما على الاستعداد فانا لا اعلم طبيعة عمله وممكن هذه تكون حاله لديه انه يحب ان يكون الموبايل داما متواجد معه وشكرالك

الحكيم الى mr king

يا كنج طب ممكن بيبعت مسجات من الحمام لانه لو بحكي لازم يطلع صوته وتسمعه ست البيت انا استبعد يا كنج انه بسولف في الحمام وهذه فاتتك ممكن انه بستمتع في اشياء اخرا انت ذكرتها في موضوعك في الشق الثاني

وبعدين يا رجل المثل بقول الهريبه ثلثين المراجل وانا هربت لما صارة الهوشه في القهوه شكلك من الغلب ما كنت امركز وبعدين الشاحن موجود في محل ابو عبده الكهربائي (ابو ميمي)

وتحبات الى ابو وديع

وعناد الميدع

وشكرا يا king

طيب اكيد السبب انت يعني انت اتهمت المسكين بانه اله علاقة وانه انت الملاك؟؟؟؟؟ظيب ليش مابكون العيب فيك ا لزوج بحب زوجته تستقبله بكلمه ولبسة حلوة مش بوز شبرين من الاولاد؟؟؟؟شو رايك يترك شغله ويقعد معاهم؟؟؟؟؟السبب فيك اعمل كل ماعندك لاشباغ رغباتة حتى مايشوف غيرك......................

يعني واضحة وضوح الشمس ...
زوجك عم يحكي مع وحدة .... لأ و ممكن وحداة غيرك وهاد شي ما بينسكت عنو أنا ما بعرف كيف صبرتي شهرين وهو بيضل بالحمام نص ساعة مع موبايله ...
لازم فاتحتي بالموضوع زماااااان...
المفروض ما في بين الزوجة و زوجها أي حواجز والي بتحب شخص بتتمسك فيه بايديها واسنانها ....
ولا تتساهلي يعني ممكن لو عالجتي الموضوع من بدايته ما كان استمر لهلأ ...

تحياتي للجميع

الى الكنج الصورة في اسفل التعليق الرجل المشنوق من هو يا ترى ؟؟ مع شدة الاعجاب

( بالدزاين )الجديد

الى الحكيم تحياتي لك عزيزي ...استمر بمشاركاتك ....والظاهر من كلامك وكلام الكنج اني انا

طلعت الكنج...!! باللعبة بعد ما لبستك البنت البستونية ولبسك ابو وديع الدينارية ... مش مشكلة

اللعبة كانت عن دود والمرة الجاي رح تكون عن

المشاريب ....مع بعض العتب على ما كتبت

وهو عتب املائي ليس الا... قد اقع به انا وغيري .....!!

بس في سؤال يلح على جميع المعلقين ...ويلح علي انا شخصيا ....؟؟

مين اللي سرق القداحة (ام البريزة )

1- صبحي ابو شفة

2-عطوة ابو الحيايا

3-زياد النمس

انا عرفت لو انت كمان عرفت قلنا مين ؟؟؟

في النهاية اطلب من جراسا العزيزة ...بضرورة اظهارIP للجميع المعلقين لدواعي امنية ...!!

ارجو من الجميع التأييد ....ولكم الشكر الجزيل تحياتي

توصياتك رائعه بس اذا عبدو الكهربجي اتصل في اوقات الدوام الامنه وكان الزوج معطل يومها اكيد رح يصير شرط كهربائي

اكيد بحكي مع بنات هو في حدا مابحكي ها الايام

شكلك مجرب الله يعين زوجتك اذا كنت متزوج

بستغرب من طرح هيك مشكله فيها خصوصيه شديده الا اذا كان الغرض منها استثارة المعلقين واخدهم الى اماكن محظوره واستثارة خيالهم الوحده ستر على زوجها حتى لو ما شفناكم انتي شايفه وعارفه حالك هاي اسمها كشف المستور ما بجوز باي حاله من الحالات الخوض في هيك خصوصيات بطل في عيب مع انه اللي بيسير بين الوحده وزوجها ما في عيب اجت علموبايل وسار عيب واستحت اختنا ونشرت قصتها واللي ما يشتري يتفرج عجبي منك يا زمن عرق الحيا طق..

الى رقم 19 باين انك عارف كل الخبايا ( بصراحة تزوجت شاب اردني ومن اول يوم زواج اكتشفت انه مدمن انترنت ( تشات ) و تليفونات وصارحته بالموضوع قلت له نحن الان لدينا مسؤلية حياة و بيت و شغل مش معقولة طول الليل حكي ودردشة وبالنهار بتنام والمهم قلت معليش يا بنت هو جديد بالبلد و خليه ياخد وقته ونحن عرسان جداد ما بدي اقلب البيت نكد وبعد فترة لاحظت انه لما يرن تليفون الارضي بيدخل غرفة النوم و بيشطح حاله على السرير و بيحكي لمدة 45 دقيقة ماكسيموم فقلت معليش يا بنت بعده جديد بالبلد وما عنده اصحاب بعد ما سالته و خبرني انه واحد تعرف عليه بقهوة ( تيم هورتنز ) وبعد ايام انا رديت على التليفون و طلعت بنت فكرت اني الخادمة وانا تركتها تفكر زي ما بدها و اعطيت التليفون لزوجي وحكوا مع بعض شوية و لاحظت وجه قلب احمر و دينيه حمر و بلش يعرق و دخل غرفة النوم وسكر الباب وعندما انتهى من المكالمة سالته و اعترف انه تعرف عليها من الانترنت وعندها مشكلة مع خطيبهاوقاعدة تشكيله وهو بيحل لها المشكلة وسالته وين عايشة حصرتها قال لي بنفس البلد كان وقتها ما معه سيارة و لو عنده سيارة كان راح لها و تخانقت معه لانه خبرها انه في بنت خادمة بتجي بتطبخ له و بتنظف البيت بالاسبوع مرتين .. انا خادمة يا بلا اصل ؟ انا يلي جبتك على هذه البلد يلي الشباب بتغامر بالبحر و بطرقة مذلة و بيغامروا بحياتهم ليوصولا لها وانت وصلت بدون اي جهد وانا بطلع على الشغل و بشتغل شغلتين ومش عم بضغط عليك حتى تشتغل وانت قاعد تعمل غراميات من وراي طردته من البيت قعد يترجاني لاعطيه فرصة ثانية فرجعته بعد شهرين علشان شهر رمضان حل علينا وبعد فترة بيقولي تتذكري البنت فلانة ؟ ايه .. قال ماتت بالسرطان .. وبعد ايام اتصلت وحدة من الفلبين واخرى من المغرب وكثرة مشاويره للقهوة و في بنت صديقتي بتشتغل بنفس القهوة ( كوفي شوب ) عربية البنت من سوريا اخبرتني انه بتشوفه مع وحدة شقراء وووو .. المهم طردته مرة ثانية حطيت ثيابه بكيس زبالة وطردته برا . حط الة تسجيل بتليفون البيت يسجل مكالماتي وهدفه يكمش شيء غلط علي وحرق الكمبيوتر عدة مرات من شكه اني بدردش مع شباب وكان ينبش بقائمة المتصلين كل يوم ويتصل بالارقام ويسالهم شو طبيعة العلاقة بيني و بينهم وبعد ذلك يسالوني شو هالمجنون هيدا ؟ وما طلع من امره شيء . فبدء يكيل لي التهم وافتعل مشاكل لي بالشغل حتى يطردوني بعد العمل بنفس الشركة لاكثر من 23 سنة الحمدلله حياتي هادئة الان بعد ان طردته ومن ثم خلعته من 6 سنوات . مريض بالشك حتى امه واخوته البنات خبروني شو كان يعمل فيهم بالاردن واعترفوا لي انهم شجعوه على الزواج والسفر ليرتاحوا منه ومن دفع فواتير التليفون عنه لانه بيتصل ببنات خارج المملكة روسيا المغرب الفلبين بولندة لبنان وما بيخليهم يناموا وهو يحكي فوق رؤسهم طول الليل . بالرغم من انه بعمر ال 36 سنة يعني لازم يكون واعي وعنده اولويات في حياته .ويتقدم بشغله الذي هو بسلاح الجو الاردني ويستغل شهاداته ويعمل مع سلاح جو الكندي . الشباب والبنات للاسف يستعملون ويستغلون التكنولوجيا بطريقة سلبية تهدم حياتهم الشخصية .

كويس

قديما

كانت تستخدم الحمامات ( عدا عن استخداماتها الفسيولوجية الطبيعية ) كوسيلة يلجأ اليها كل من يريد اخفاء شيء ما وهذا يعتمد على طول المدة ... يعني الحاجات الفسيولوجية دقائق .. الأخرى تمتد اكثر وطبيعة ( العملة المعمولة ) .

كنتُ حديث العهد بالتدخين .. كان حمامي ملاذا لي وكم كنت اشعر بمعاني الرجولة وانا امسك سيجارتي هناك .. معطرا الجو لتختلط الروائح خوفا من القاء القبض علي من ابي الذي كان يمتاز بالحنان المطلق لكل ما هو وفق النواميس وشرسا وفق ما يتعارض ذلك .

لم يكن احد يجرؤ دخول الحمام طالما كانت دائرة القفل باللون الاحمر .. كم كانت متعة الوحدة هناك ..وسيجارة تلو أخرى الى أن جاء ذاك اليوم .. اقتحم والدي حمامي ... ليس قاصدا ولكن لم تكن الدائرة ... حمراء ... تم ضبطي متلبسا بسيجارتي ...

اليوم .. وأقصد لغاية اليوم .. كلما دخنت سيجارة .. أستذكر ذلك البربيش ..واليوم .. وكلما ادخل حمامي ... لم تعد ابوابه مغلقه ...


صاحبة المشكلة ؟ أعجب من امرأة لا تستطع الوصول الى جوال زوجها رغم وصولها الى ما هو أشد واعظم من ذاك الجهاز ( السخيف ) ... مؤشرات .. تبرئ الزوج ومؤشرات تدينه بعيدا عن تفاهات الجوالات ... هناك ما هو أعظم من روابط النقال ..بأمكانك اكتشاف ذلك بعيدا عن الشك .. هناك ضوابط وعلاقات زوجة تحدد أوقات الخلل .
الكثير يمارس طقوس المراسلات الجوالية وكثيرا ما يكن الطرف الآخر غير معروف فقط لمجرد التسلية ( القذرة ) .وليس بالضرورة اقامة علاقات شخصية وجها لوجه .... ولن ابرئ هذا الفعل المجرم .

أيها الزوج .. الله يعينك اذا كانت الشكوك تؤكد الأدانة ... سيكون لديك ( فوبيا الجوال ) سترتعش كلما رن هاتفك حتى وان كان الطالب .. زوجتك .

أما أنا ... فلا زالت ( فوبيا الحمام ) تلازمني .. وسابقي بابه مشرعا .. واللي مو عاجبه ما يمر من جنبي .. لأنه ما جرب بربيش .... والدي .

الحل انك تاخذي بطارية الموبايل وتكبيها بزبالة

الله يكون بعون رجال بهذا الزمان لانه ما في بنت او امرأة بتخلص حبها لحبيبها او زوجها ما في امان يعني ما بثق بالحب

مرحبا بدي احكيلك اشي مهم ترى كل واحد بلاقي اللي متله يعني طنجره وبتلاقي غطاها اذا الرجل رجل وقد حالو بحب اللي بتستاهل اذا خيخه بلاقي وحده تضحك عليه اذا ما عنده رجوله ومركب قرون بلاقي مرى بايعيتها اذا صلوي وتبع الله بلاقي الكويسه والمستوره وهيك الامور بتمشي وما في زلمه ابن مرى بنعطى عين وبتأمنله بدون رقابه وما في مرى بنت مرى بتنعطى ثقه كامله بدون سائل ومسؤول لانه كل اشي بزيد عن حده بقلب ضده والشاطر اللي بعرف يختار مو يكون لعبان على مليون حبل وجاي يدور على اللي ما باس تمها غير امها مش حيلاقي بهيك حاله لانه كلهم مارات من تحت ايده فكونوا تبعون الله وماشيين على الصراط المستقيم بكونوا البنات ماشيات عليه .

أنا برأيي انو الدنيا سلف ودين ....

ازا الوحدة أساءت وهي ببيت أهلها بييجيها واحد كذلك ...

والشاب نفس الشي بتتعوضلو بأولاده وبناته طبعا الا من رحم ربي..

يعني على شاكلة الحيث النبوي ...

قال رسول الله صلى الله عليه وسلم :( الزاني يزنى به ولو بجدار بيته)

انا مستغربه شغله من جوزك الي كتير بدقق ع تلفونه وبخبي ع الطالعه والنازله يعني ما عندو اسلوب دكي شكل جوزك جديد ع هيك شغلات وما بعرف يدبر حالو نفرض انو بيحكي مع بنت ما بيعرف يحكيلها انو ما تتصل بهاي الاوقات الي عندك ع فكرة جوزك مش من نوعيه الي بيعرف يخبي او ما عندو اسلوب دكي في التعامل مع هيك امور فانت اتصرفي بدكاء

وانت الي مش عارفه توصلي لتلفون جوزك ولا حتى عارفه تكشفي في كتير طرق شوفي اول شي اعملي اسلوب مراقبه واعرفي مع مين بيحكي بس تتاكدي حاولي امسكي تلفونه

حبيبتي القصة مبينة وواضحه متل الشمس
زوجك مصاحب وطول الوقت مسجات رايحه وجاي
وبخاف يترك موبايله أحسن تيجيلو مسج من صاحبتو وتشوفيها
وازا بدك تتأكدي حاولي امسكي موبايلو لما يكون نايم أكيد رح يكون مخبيه لما ينام او مغلقو
ورح تتأكدي من هالشي

انا فرات اكتر التعليقات بدي احكيلك انه حافظي ع جوزك وحسسيه انه هوه مصدر الثقه عندك ازا كان عم يعمل شي خطأ رح يخجل من حاله ازا بيخجل بس ما تنسي انه مو لازم تخسريه وازا حكيتي معه احكي معه بهدووء وبدون صراخ بس حسسيه اديشك مدايئه يعني ابكي الدموع بأثروا كتير با الزلام وديري بالك

انا اجزم لك 100% انه لديه علاقه جديده باحدى النساء... نصيحتي ان تتمهلي قبل اتخاذ اي قرار بمواجهته ... وان يكون لديك دليل.. وان تكوني هادئه. اتمنى لك التوفيق

اختي ما في بعد الصراحه خصوصا بين الزوجين
انا بنصحك تهدي اعصابك وتجلسي انتي وياه بكل رواء وتحكيلو انو يخبرك شو قصتو من غير نرفزه او مشاكل وبتقدرو انكم اتحلوها سوا لو مهما كانت

يمكن انت عندك نقص باشي ولا ما بيفكر يحكي مع حد غيرك حاولي صارحيه بالحكي والنقاش الهادىء وبدون اي تعصيب منك عالاقل واذا اعترفلك باشي لا تعانديه واحكيله انا بساعدك ليحس فيكي ويغير اتجاهه وبالاخر بحكيلك غيري من حالك شوي بلكي اتغير .

بلكي في الو قصص شاذة اعطيني رقمو خليني اعرف شو قصتو