اعرفي نوع زوجك المستقبلي حسب برجك !
كل البنات بيحلموا بيوم الفرح وبيقعدوا يخططوا له وبيختاروا الفستان وينظموا هيعملوا فيه ايه, لكن قبل ده كله اكيد لازم تفكري في نوع الراجل اللي عايزة تتجوزيه وعايزة يكون صفاته وطباعه شكلها ايه, والنهاردة هنقولك نوع زوجك المستقبلي حسب برجك واللي صفاتة هتكون انسب ليكي.
نوع زوجك المستقبلي حسب برجك:
1- برج الدلو:
زوجك المستقبلي هيكون انسان غير تقليدي, وتصرفاته دايما مثيرة وغير متوقعة يعني دايما هيفاجئك بتصرفاته, ودايما بيشوف الجانب الايجابي في اي موقف بيحصل, وبيضيف جو المرح على اي حاجة بيعملها.
2- برج الحوت:
الاشخاص من برج الحوت بيميلوا للرومانسية وانهم اشخاص حالمين جدا, عشان كده زوجك المستقبلي هيكون حساس وبيدور على نصه التاني اللي تقدر تشاركه الحياة ويحققوا التوازن ما بين حساسية الحوت وشخصيته.
3- برج الحمل:
الحمل محتاجة الشخص اللي يشاركها كل حاجة بشكل كامل في حياتها اليومية, ويكون عنده روح المغامرة, عشان كده محتاجة انه يكون رياضي وقوي ومستعد لمواجهة اي تحدي, ويكون نشيط وبيبحث دايما عن المغامرة.
4- برج الثور:
امرأة الثور محتاجة للزواج من رجل عنده شهوة للحياة يعني عايز يجرب كل حاجة ويغامر ويجرب كل يوم حاجة جديدة, لكن ممكن يكون رجل مسيطر الى حد ما ولكن بالطريقة اللي انتي حباها تكون في شريك حياتك, وهيحسسك دايما بالامان معاه وانه جنبك على طول.
5- برج الجوزاء:
الجوزاء محتاجة راجل يكون متوافق معاها في تفكيرها بشكل كامل حتى في ادق واصغر التفاصيل, ومتحدث جيد جدا يعني عنده قدرة انه ممكن يفتح معاكي محادثة وحوار ممكن يستمر من الصبح لحد بالليل وهو شادد انتباهك وتركيزك معاه, وعنده ذاكرة حادة ومعرفة واسعة بكل حاجة.
6- برج السرطان:
انتي محتاجة زوج حساس ومتفاهم, والسرطان بتميل شوية انها ترتبط باللي اكبر منها في السن شوية لانها بتشوف انه بيوفرلها الامان والراحة اللي هي محتاجة ليها, مع الامان العاطفي والمادي.
7- برج الاسد:
امرأة الاسد بتحب تكون دايما هي نجمة العرض يعني الانتباه والاهتمام يكون ليها ومحتاجة زوج يكون جذاب في نفس مستواها وهتكونوا كابل رائع مع بعض, هيكون وسيم وساحر وفي نفس الوقت حنين وكريم معاكي ومع كل الناس اللي بتحبيهم.
8- برج العذراء:
كل اللي بتحتاجه امرأة العذراء راجل بيضيف الفكاهة والابداع لنمط الحياة, ويكون ذكي جدا وحريص انه دايما يضحكك ويبسطك, ويوفرلك كل اللي انتي محتاجاه في اي وقت انتي عايزاه.
9- برج الميزان:
امرأة الميزان بتنجذب دايما للشخصيات الملفتة واللي كلها حياة ونشاط, يعني محتاجة الراجل اللي يكون لافت النظر في اي مكان تكونوا فيه مع بعض, ويكون صريح, ومرح, لكن الاهم من ده كله انك تكوني انتي اهم حاجة في حياتة.
10- برج العقرب:
العقرب عندهم شوية غموض في شخصيتهم, انتي محتاجة راجل يكون متوافق معاكي تماما, واللي ممكن يدخل معاكي في محادثة عميقة في اي موضوع, ولكن في نفس الوقت محتاجة شخص متكونيش فهماه بشكل كامل ويكون فيه جزء من الغموض بردو في شخصيته.
11- برج القوس:
القوس محتاج الشخص اللي يشاركه في المغامرة والسفر حول العالم ويكتشف معاه كل جديد, ويكون صادق وعنده حس الدعابة ومرح عشان يكون الشريك المثالي في اي رحلة معاكي.
12- برج الجدي:
العمر او السن مش بيفرق خالص مع برج الجدي وهو بالنسبة لها مجرد عدد, يعني ممكن تتجوز اللي اكبر منها بكتير او اصغر منها مش بتفرق معاها مادام في حب حقيقي بينهم, وبتنجذبي دايما لانواع الرجالة اللي حاطين اهداف كبيرة في حياتهم واللي بيعملوا كل اللي يقدروا عليه عشان يوصلوا لاهدافهم.
هل فعلا برجك قالك نوع زوجك المستقبلي بشكل صح ولا لا ؟ :)
7 علامات تقولك انك لقيتي الشخص المناسب
